Статьи

 

1. Муш б1аьха, къамаьл лоаца
2. Ваьр ваьв, ваьр накъаваьннав
3. Берза цергех кхера, говра м1аргех кхера, воча сага г1улакхех кхера
4. Харбаз ч1оргах я, яйзаяц, саг барзкъах ва, вайзавац
5. Барзкъага хьежже маг1а ваккха, хьакъалага хьежже эг1а ваккха
6. Моаршла дувхарга хьежжа хатта, накъа хьаькъалга хьежжа ваккха
7. Хьаьшаша шозза г1ад вуг ц1ен да, цкъа боагг1аше, шоалаг1а болхаше
8. Воаг1ача хьаьшал батал хозаг1 х1ама дац, водача хана цун пхьу к1оаг еце
9. Дукха хьаьший ихача коа буц яьннаяц
10. Хьаьша беркат, из дика вале
11. Саг ала атта да, сага хала да
12. Зизашта аре еза, адамашта парг1ато еза
13. Ц1енавар ц1еро а воагавац, б1еха вар хиво а б1ехавац
14. Къоано венна къа текхад, хьаша ваха бехк текхаб
15. Саг везвар цун ц1и яц, ц1и езъер из саг ва
16. Ц1и яьлча к1ур боал, тувлавелча г1алат доал
17. Цхьа сага ши вахар деннадац
18. Га дика я сом латаш яле, саг дика ва г1улакхаца вале
19. Лакхача гаьнна мух ийшабац, дикача къонахчох алара ийшадац
20. Гаьнашта лакхе шорх латт, гаьнашта лохе тем * латт * тем - спокойствие, успокоение
21. Везачоа далар а ийшадац, цавезачох алар а ийшадац.
22. Хиво 1охьоча энгарах янгаро яьхад: "хьайла мишта тейжжа хьу, со хинна яларе бердех д1ае хьае етташ хьоргьяр"
23. Сом латача гаьна г1адж а ийшаяц, дикача къонахчох цатоам а ийшабац.
24. Визза къонах овлияъел лакхаг1а лаьрх1ав Дала.
25. Иман дар ва ираз дар.
26. Сог болатал ч1оаг1аг1а вале а, зизал бочаг1а ва.
27. Куц хиларо саг хозву.
28. Боахамага маьре яхар сагаца яха еза.
29. Саг дика вовз, 1а цунна дика сискал йиъа яле.
30. Воча саго дуара ший дуне да.
31. Совлен рузкъа халар зене дац.
32. Долаш вале маг1а ваккха, доацаш вале эг1а ваккха.
33. Хьо малав хеттац аз, хьо миштав хет аз.
34. Ма эргаш да цацкъамаш! Иштта эргаш адамаш.
35. Дилла халац шоа урхенаш, цкъазза хул шоа мухаленаш.
36. Ма вахалахь безам бар деш, хьо вахалахбь де дехар деш.
37. Г1алат вала хайна дале, ховш хилалахь юхатоавала.
38. Воашкара хьал вайна эсала хет, вай мелдоацача дикаг1а хет.
39. Хьона хетар хьахургдац, Даьла кхелах хьо вергвац.
40. Д1ай хьай удаш наха дех, шоашта эттув рузкъа лех.
41. Дахар вахар пайдан доацаш, шин кепига мах цен боацаш.
42. Дуне диъа варгва хьо, нах байза варгвац хьо.
43. Дуне даъа ара вала, йита сагото, бита бала.
44.Во ца лейначуга дика денадац.
45. Нахаца товш хьа оамал яле, Даьлера эцар 1а ялсмале.
46. Наха пхоара ва хьо яхе, ва а ва хьо пхоара.
47. Ваха воале, кхеста ха.
48. Ваьха чакхваьлар дац из, бехк тийкха валар да.
49. Шеек воацаш ваха, мег 1а б1аьшераш даха.
50. Наьха чухье – хьона баьде бийса.
51. Дала воаваьр наха а воаваьв.
52. Къечоа массанахьара а ладар ух.
53. Хьона мел хетар хургдац хьона.
54. Хий 1одода, ха д1айода - хьона ца гуш масса йода.
55. Цкъа хир хаьда къел т1айоаг1е, валлалца дехаш леларгва хьо.
56. Валар а - валар, къавалар а - валар, къевалар а - валар.
57. Да ца вийлхача дакъаг1а нах а бийлхабац.
58. Да ц1огагахьа ваккха яхад цамогаш бола етт айбеш.
59. Шийгара доал д1адаьнна ткъо шу ха яьлча хайра даьна ше ц1ендоалара ваьнналга.
60. Ваьхар юстара вала - ваханзвар вахийта.
61. Ди довзаш вахалва.
62. Дас во1 вахалва яхаш кхоаб, во1о да лалва яхаш кхоаб.
63. Ше аравьккха да велхаш ваьг1ача гудара т1а велхаш ваьг1ав во1 а цунгара ди хьакаьчача.
64. Ер доаккха ж1али да, х1аьта во1 дика кхийнав укхан аьлча г1адвода да.
65. 1одаха хий юха а чудоттаргдац, яха ха юха а йоаг1аргъяц.
66. Кхетаме вахе хана хам бе беза, керза из ца йоаеш доаг1ар де деза.
67. Цхьан бе ши харбаз таръенняц.
68. Хозача дешо лакха лоам бошабаьб.
69. Са техача салтечох эпсар хиннав.
70. Дилла воагаваьчо хинна фо дийтад.
71. Дукха 1ийхача циско дахка лаьцабац.81. Ага вужас санна вуж саг каша а.
82. Шозза 1оажал йоаг1аргъяц, цхьаннех к1алхара варгвац.
83. Ма къахьа да цкъаза вахар, цул къахьаг1а т1аккха валар.
84. 1оажала бахьан ийшадац.
85. Къорс яха га дукхаг1а ях.
86. Вахар 1азап дале а, вала дог даг1ац.
87. Хьай наха юкъе 1оажал а хоза я.
88. Цалуш диса декхар къематдийнахь хьалургда.
89. Сих ма ле вала, цига хьона шунаш кийчдаь саг ваг1ац.
90. Кот воал валарах ца кхерар.
91. Мелй майра хьо лате а 1оажалал котваргвац.
92. Мотт ца лорабаьр, кертах ваьннав.
93. Ца дувцаш 1ер дикаг1а да ца доаг1ар дувцачол.
94. Къаьхка говр юха озалац, аьнна дош юха дерзалац.
95. Аьнна дош - баь шод, цунах хьо дика кхеталахь, хьай деша да халалахь.
96. Дош алар дотув да, ца алар дошув да.
97. Метто хьжа ц1авигав.
98.Вочо дешо дог г1орду, дикача дешо дуне сийрдадоакх.
99. Ала а - ха, ца ала а- ха.
100. Хозача дешо лоам бошабаьб, дикача дешо шалт 1очуйоллийтай.
101. Ала а ха, ца ала а ха.
102. Вай мел аьннар деррига а хилац мегаш.
103. Хьаькъал дошол дезаг1 да.
104. 1илман корта - хьаькъал да, хьаткъал корта - сабар да.
105. Куцага хьаже моаршал хетт, хьаькъалага хьаже накъа воакх.
106. Хозал - делкъелца, хьаькъал - валлалца.
107. Къаьначунга ма хетта, дейначунга хетта.
108. Хьаькъал халийта, мел з1амига дале а, хьайдар.
109. Сигале зоза я ший седкъашца, сага хоза ва ший хьаькъалца.
110. Хьаькъал долча керта б1аь да кулг.